English (United Kingdom)
Банер
Банер
Банер

Награди

Општини

Банер

НСРР на конференција во Белград - ЕУ во партнерство со граѓанското општество: Растеме заедно

Во рамки на програмата на Европската комисија за поддршка на граѓанското општество, чија цел е втемелување на демократските вредности како услов за ЕУ интеграции, во Белград 23 - 24 мај 2013 г. во Палата Србија се одржа конференција ЕУ и партнерство за граѓанско општество, на која учествуваше и претставничка на Националниот совет за родова рамноправност.

На конференцијата учествуваа преставници на 152 организации од регионот на Западен Балкан, Турција и државите на ЕУ, кои се носители и партнери на 18 проекти кои ќе се реализираат следните четири години.

Беше претставен и проектот во кој НСРР учествува како партнер - „Со здружени напори - кон нови европски стандарди во заштита на жените од родово базирано насилство“, чија цел е застапување за ратификација и целосна имплементација на Конвенцијата на Советот на Европа за спречување и борба против родово базираното насилство.

 

НСРР на семинар за застапување и активности од кампањата во Загреб

Националниот совет за родова рамноправност, заедно со четири невладини организации од регионот: Автономен женски центар - Белград, Центар за жени жртви на војната РОСА - Загреб, Здружени жени од Бања Лука - Бања Лука и Друштво СОС телефон - Љубљана, учествуваше на тридневен семинар за активности на застапување и кампања во Загреб, од 13 -15 мај 2013 г. Семинарот беше во рамки на проектот „Со здружени напори - кон нови европски стандарди во заштита на жените од родово базирано насилство“.

Резултат од семинарот се зголемени теоретски и практични знаења на претставничките на партнерските организации. Семинарот го водеа експертки од Хрватска и од Европската унија (Colette de Troy - директорка на одделот за насилство врз жените од Европското женско лоби - EWL).

 

Матурска прослава во дом „11 Октомври“

На 21.05.2013, како и секоја година, традиционално, Националниот совет за родова рамноправност, учествуваше во матурската прослава на матурантите - штитеници на домот „11 октомври“ во Скопје.

Жените членки на НСРР донесоа вкусна храна по повод оваа прослава, а сите заедно уживаа во приредбата одржана од децата, на која беа доделени и благодарници за поддржувачите на овој настан.

Повеќе фотографии може да погледнете овде.

 

Трибина „Остеопороза - причини и последици од оваа болест“

На 20.05.2013, во просториите на Националниот совет за родова рамноравност, во соработка со фармацевтската компанија „Алвоген“ беше одржана трибина на тема „Остеопороза - причините и последиците од оваа болест“.

На трибината предавања одржаа д-р Јовица Гавриловски - ортопед во Клиника за ортопедија - Скопје и проф. д-р Татјана Миленковиќ - ендокринолог во Клиника за еднокринологија - Скопје. Присутните имаа можност да се информираат и да поставуваат прашања околу оваа болест, а на крајот добија по еден мал подарок од компанијата.

Слики може да погледнете овде.

 

Ден на мајката 2013

На 12.05.2013 Националниот совет за родова рамноправност, во соработка со СОС Детското село и Комерцијална банка АД Скопје, го прослави меѓународниот Ден на мајката.

По повод празникот, НСРР распиша конкурс за најдобро изработена честитка на тема „Мамо среќен празник“ и ги покани децата од градинките и учениците од основните училишта да се пријават на конкурсот. За најдобро изработените честитки беа доделени награди.

Манифестацијата се одржа во трговскиот центар Рамстор во центарот на Скопје, а во програмата учествуваа: децата од СОС Детското село со неколку балетски точки, ученичките Лариса Велева и Ана Крцкоска со свои песнички и КУД „Јени Јол“ со свој настап.

Честитките можеа да се купат со мал придонес, а собраните средства беа донирани на СОС Детското село.

Фотографии од настанот може да погледнете овде

 

Донатори








Членка на: