Проектот „Во Европа, со нас или без нас - судбината на исклучените" има активности за разни групи во неповолна положба, вклучително и постарите лица, жените во тешка ситуација, жртви на секаков вид насилство, лица со пречки во образованието, мигранти (со посебен акцент на судбината на жените), спротивставувајќи се на нивната дискриминација.

Се одржаа пет партнерски состаноци, вклучувајќи и две 5-дневни обуки, при што учесниците - едукатори од земјите-партнери на овој проект се стекнаа со знаења за три специфични методи (биографски наративен интервју, биографски разговор, драма).

Овие нови вештини ќе се користат за да се дијагностицираат проблемите и нивно решавање, а првиот чекор во оваа насока ќе биде развивање на профили на возрасни лица од различна возраст (25+/60+) од загрозените средини. Во секоја земја беа спроведени неколку интервјуа и биографски интервјуа со претставници на нашите целни групи, а нивната судбина беше визуелизирана со користење драма техники.

Проектот беше наменет за наставен кадар и инструктори на европските институции кои учествуваат во проектот, група ученици кои се поврзани со овие организации и за луѓето од групите ранливи на маргинализација.

Сојуз - Национален совет за родова рамноправност, како носител и организацијата „Отворена врата“ од Косово, започнаа со имплементација на Cross-border проект – „Вмрежување за успех“. Периодот за имплементација на проектот е 20 месеци, почнувајќи од јануари 2018 год.

Целта на овој проект е:

Потикнување на родова рамнотежа и ниво на младинско општество преку вклучување на жените и младите во претставување на културни, традиционални и национални вредности на Косово и Македонија.

Специфични цели на проектот:

1. Олеснување на трговската соработка преку промоција на традиционални, културни и национални ракотворби.

2. Генерирање на можности за самовработување преку зачувување  и промоција на традиционални ракотворби

Преку имплементација на активности кои што ќе промовираат родова еднаквост, истовремено ќе се промовира културното и природното наследство преку комерцијализација на традиционални ракотворби (везење, ткаење), занаетчиство, рурален туризам и традиционално кулинарство.

Активностите на проектот ќе се спроведуваат во две  општини: Куманово и Гњилане.

Од 21 декември 2017 год Националниот совет за родова рамноправност како носител, во партнерство со Здружението за рурален и регионален развој и Здружението рурална коалиција, отпочна со имплементација на проктот “Вклучување на родовите аспекти во главните политики на руралниот и земјоделскиот развој”.

Активностите ќе се спроведуваат во пет општини и околните села на Куманово, Гостивар, Струмица, Прилеп и Струга.

Целта на проектот е: Зголемен процент на користење на ИПАРД фондовите во адаптирањето на земјоделството во Македонија со стандардите на Европската унија.

Специфични цели на проектот се:

1. Да се ​​поддржи и да се подобри ефикасноста на Платежната агенција во делот на испораката на советодавни и образовни услуги преку подобрување на квалитетот на информациите и обуките доставени до граѓаните со фокус на жените и младите.

2. Да се ​​поттикне вклучувањето на родовите аспекти во земјоделските политики и руралниот развој во земјата.

Проектот е финансиран од ЕУ преку ЦФЦД при Министерство за финасии на РМ.

Националниот совет за родова рамноправност објавува повик за вклучување на волонтери во работата на канцеларијата на НСРР.

Волонтерството ќе се одвива во рамките на реализација на програмските активности или административно-финансиските функции на НСРР. Волонтерите ќе учествуваат во подготовка на проекти, во организирање настани, во истражувања и анализи, во правењето вести и прибирањето информации, одржување на веб страната. Во зависност од интересот и квалификациите на волонтерот, како и од пристапот на програмите и процесите ќе се одреди подрачјето и активностите во кои ќе се вклучи истиот.

На јавниот повик се повикуваат сите заинтересирани кандидати – дипломирани или студенти во завршна година на студирање од областа на општествените науки (социологија, психологија, родовите студии и правни и општествени науки) и др.

Со работата на НСРР (визијата, мисијата, долгорочните цели, активностите и процедурите) заинтересираните можат да се запознаат преку веб страната на организацијата.

Времетраењето на праксата ќе се уреди со заеднички договор според Законот за волонтерство.

Заинтересираните кандидати потребно е да ги достават следните документи на е-маил Оваа е-пошта е заштитена од spambots, треба да вклучите JavaScript за да ја видите ,   Оваа е-пошта е заштитена од spambots, треба да вклучите JavaScript за да ја видите :

-мотивационо писмо;                                                                     
-кратка биографија со податоци за контакт (телефонски број и адреса на живеење).

За дополнителни информации можете да се обратите на следните телефони:                                                                +389 (0)2 3238 184 и мобилен: 071 212 727

Националниот совет за родова рамноправност денес одржа работилница со претставници од женски невладини организации кои работат на спречување на родово базирано насилство и претставници од Комисијата за родова еднаквост од општините.

Оваа работилница е дел од проектот „Здружени кон промени“ кој е поддржан од страна на Македонскиот центар за меѓународна соработка преку програмата Цивика Мобилитас.